මෙතනින් මාරුවෙනු 01 - වටිනාකම්
තාරුණ්‍යය කියන්නේ ජව සම්පන්න බවින් පිරුණු කාලයක්. අභියෝගයන් හමුවේ නොසැලී ඉදිරියට යන වයසක්. මොනවටද කාටත් යටත් වෙන්නේ මට ඕනම දෙයක් කරන්න පුළුවන් මට කවුරුත් ඕනෙ නැහැ එහෙම හිතන කාලෙකට තමයි තාරුණ්‍ය කියන්නේ.
මීට වසර ගණනාවකට කලින් අපේ තිබුන ගුණ යහපත්කම්, හැදියාව වර්තමානය වෙනකොට අපටත් නොදැනීම අපෙන් ගිලිහිලා ගිහින්. අතීතයේ තමන්ගේ ගෙදරින් සෑම දරුවෙකුම ගුණ යහපත් දරුවෙකු විදියට නිර්මාණය කරන්න දෙමව්පියන් වැඩිහිටියන් ලොකු වෙහෙසක් දැරුව බව නොරහසක්. එදා අපේ අම්මලා අත්තම්මලා සාරධර්ම පුරුදු කළේ මෙන්න මේ විදියට.
අපි වෙනස් විය යුතු අවස්ථාවල වෙනස් විය යුතුයි. නමුත් අප තුළ ඇති සාරධර්මවලට හානියක් නොකළ යුතුයි. අපි නිරන්තරයෙන් සමාජය තුළ ජීවත් විය යුත්තේ මම නිසා තව කෙනෙකුට හානියක් සිදු නොවිය යුතුයි යන සිතුවිල්ලක් පෙරදැරිවයි. සමහරවිට මගේ ක්‍රියා කලාපය නිසා තව අයෙකු අපහසුවට ලක්වනවා නම් ඒ දෙය සිදු කිරීම නුසුදුසු බව අවබෝධ කරගත යුතුයි.
උරුවම් බබාවත්
සීපද කියාගෙනවත්
සිංදු කියමින්වත්
ගෙවල් අසලින් යාම නොහොබිත්
අතීත වර්තමාන කාල පරිච්ඡේද දෙස විමසා බලනවිට අපට දැක ගන්නට තිබෙන ප්‍රධානම සාධකය වෙන්නේ මම කවුද, මම මොනවද කළ යුත්තේ කියා සිතනවාට වඩා අනෙකා අනුකරණය කරමින් තමන් හඳුනා නොගැනීම ව්‍යාප්ත වෙලා තිබෙනවා. මම බොහෝවිට ඇඳුම් තෝරාගැනීමේදී මට කොතෙක් දුරට මේ මෝස්තරය, පාට ගැලපෙනවාද යන්න සිතිය යුතුයි. ඔබ අහලා ඇති කන්නේ බඩට අඳින්නේ අනුන්ට කියලා කතාවක් තියෙනවා ඉස්සර මුතුන්මිත්තන් සමාජගත කළ. ගුණාත්මත සිතුවිලි නැවත පෝෂණය කරන්නට නැවත දළු ලා වඩන්නට අපි එකාවන්ව කටයුතු කරන්නට අදිටන් කරගමු.
අම්මා තාත්තගෙ ආදරයට රැකවරණයට තිත තියලා වෙනත් සබඳකම්වලට තැන දීලා ජීවිතේ පටන්ගන්න හදන ඔයා මොහොතක් හිතන්න අපි කවද වෙනකන්ද මේ දේවල් කරන්නේ? ජීවිතේ පුරාවටම තාරුණ්‍යය රැඳිලා තියෙනවද කවද හරි දවසක ඔබත් අම්මා කෙනෙක්, තාත්තා කෙනෙක් උනාම එදාට මගේ ළමයි මේ විදියටම මට ප්‍රතිඋත්තර දුන්නොත් එදාට මට මොනව වෙයිද? මොහොතක් නතර වෙලා හිතන්න. ඔයා දැන් වෙනස් උනොත් ඔයාගෙ අනාගතය සාර්ථක වෙයි. ඔයා ඔයාගෙ අම්මා තාත්තා රිදවලා යම් සතුටක් අද විඳිනවා උනාට අනාගතේ ඔයා ඔයාගෙ දෙමාපියන් හෙලන කඳුළුවලට වන්දි ගෙවාවි. ඒක නිසා හිතන්න හැමදේම තාවකාලික ලෝකෙක තාරුණ්‍යයත් තාවකාලිකයි. ඔයා ඔයාගෙ ජීවිතේ වටිනාකම හඳුනගන්න ඒ වටිනාකම්වල ගුණාත්මක බව කවදාවත් අඩු වෙන්නෙ නෑ. අපි ඇඟලුමක් නිපදවද්දි වැඩිපුරම බලන්නේ ප්‍රමිතිය. ප්‍රමිතිය තුළයි පැවැත්ම රඳා පවතින්නේ.
ජීවන ගමනේ – බාධක පැමිණේ
තුරුණු විය ඔබේ – රැකගනු මිතුරේ
හරි දෙය හරි ලෙස
වැරදි දෙය වැරදි ලෙස
පිලීගැනුමකද දොස
එයින් විපතක් වේය අපහස
(සිරිත් මල්දම)
රේණුකා බණ්ඩාරිගොඩ