බ්‍රැන්ඩික්ස් පවුලේ අපි හැමදාමත් අපේ සාමාජික සාමාජිකාවන්ට රැකියාවකට එහා ගිය ජීවිතයට යමක් දායාද කරන්න උත්සාහ කරනවා කියන දේ රහසක් නෙවෙයි. ඉතින් ඒ උත්සාහයේ නවමු පරිච්ජේදයක් පසුගිය මැයි 12 වෙනිදා අභිෂේකා ව්‍යවසායකත්ව වැඩසටහන නමින් අලුත් ගමනක් ආරම්භ කරා. ඉතින් මොකද්ද මේ අභිෂේකා කියලා කියන්නේ?

මැයි 12 වන දින මූලික වශයෙන් P.A.C.E. සාමාජිකයන්ගේ සහභාගීත්වයෙන් ඇරඹි අතර ගෙවතු වගාව සඳහා යොමු වූ ව්‍යවසායකයින් පිරිසක් ගිණුමෙහි මුල් ලියාපදිංචිකරුවන් විය. පසුව එය සමූහයේ දැනුවත් කිරීම් තුළින් බොහෝ පිරිසක් අතර ව්‍යාප්ත වූයේ ගෙවතු වගාවට අමතරව ගෙත්තම්, කුළුබඩු, විසිතුරු මල් පැළ, විසිතුරු නිර්මාණවලට දක්ෂ වූ බොහෝ පිරිසකට ව්‍යවසායකයෙක් ලෙස නැගී සිටින්නට ඉඩ ප්‍රස්ථාව ලබා දෙමිනි. රැකියාවට අමතරව තම පවුලට අතිරේක ආදායම් මාර්ගයක් සකස් කර ගැනීමට අවශ්‍යය මග පෙන්වීම මූලික අරමුණ විය.

මේ අභිෂේකා වැඩසටහන හරහා එහි සාමාජික සාමාජිකාවන්ට,

• දැනට පවත්වාගෙන යන හෝ ආරම්භ කිරීමට බලාපොරොත්තු වන ව්‍යාපාරයන් සඳහා අවශ්‍යය තාක්ෂණික දැනුම ලබා දීම.
• සාර්ථක ව්‍යවසායකයෙකු ලෙසින් මුල්‍ය හැසිරවීමට හා නවෝත්පාදනයන්ට අවශ්‍යය දැනුම ලබා දීම.
• ඔබගේ ආයතනය තුළ, ඔබගේම නිෂ්පාදනයන් සදහා වෙළඳපලක් නිර්මාණය කර දීම.

මේ වනවිට සාමාජික සාමාජිකාවන් 1,100 ට වැඩි පිරිසක් සමුහයේ ආයතන 18 ක් ඔස්සේ “අභිෂේකා” සමගින් අත්වැල් බැඳගෙන සිටියි. ඔවුන් අත්කම් නිර්මාණ, ගෙවතු වගාවන්, සුළු අපනයන භෝග, විසිතුරු නිර්මාණ යන විවිධ අංශයන් තුළින් අභිෂේකා ගිණුමෙහි ව්‍යවසායකයින් ලෙසින් ශක්තිමත් වෙමින් සිටියි.

තමන්ගේ නිර්මාණශීලී හැකියාවන් තුළින් ලෝකය දිනන්න වෙර දරන අපේම සාමාජික සාමාජිකාවන් අතුරින් කිහිප දෙනෙක් අද එයාලගේ සාර්ථකත්වයේ කතාව ඔයාලට ගෙනල්ල තියනවා.

සදුනි වෙරෝනිකා – වැලිසර

වැලිසර ආයතනයේ සේවය කරන මම P.A.C.E. සහතිකපත් ලාභිනියක්. රැකියාවට අමතරව විවේකී වෙලාවන් වලදී මම අත් පළඳනා සහ විසිතුරු නිර්මාණ කරගෙන යනවා. අභිෂේකා වැඩසටහන හරහා පළකරපු මගේ නිර්මාණවලට මේ වනවිට ලොකු ඉල්ලුමක් තියනවා. ඒ නිසා විනෝදාංශයක් විදිහට කරගෙන ආපු මගේ නිර්මාණ තුළින් මම දැන් අමතර ආදායමකුත් ලබා ගන්නවා.

ටී. ආර්. ඒ. එස් රසිකා – වැලිසර

වැලිසර ආයතනයේ සේවය කරන මම P.A.C.E. සහතිකපත් ලාභිනියක්. රැකියාවට අමතරව අතිරේක ආදායම් මාර්ගයක් ලෙසින් මම රූපලාවණ්‍යය කටයුතුවල නිරත වෙනවා. මනාලියන් හැඬගැන්වීම හා ඔවුන්ට අවශ්‍යය මල් කළඹවල් නිර්මාණය කෙරෙන්නේත් මගේ අතින්මයි. මේ වනවිට ආයතනය තුළත් මගේ හැකියාවන්ට අවස්ථාවක් ලැබිලා තියනවා. අභිෂේකා වැඩසටහන ඒ සඳහා මට ලොකු පිටුවහලක් වුනා. ව්‍යවසායිකාවක් ලෙස මගේ ව්‍යාපාරය දියුණු කර ගන්න ලොකු බලාපොරොත්තුවක් මට දැන් තියනවා.

නිලන්ති කඩුවෙල – කොග්ගල

බ්‍රැන්ඩික්ස් කොග්ගල ආයතනයේ සේවය කරන මම රැකියාවට අමතරව ගෙත්තමට ඇති හැකියාවෙන් උපරිම ප්‍රයෝජන ලබා ගනිමින් බෑග් නිර්මාණය කරනවා. පවුලේ අයගේ සහයෝගයෙන් ඒවා වෙළඳපළට නිකුත් කර අමතර ආදායමක් ලබා ගන්නවා. එහෙම ආරම්භ කරපු මගේ ව්‍යාපාරය දැන් බොහෝදෙනා දන්න නිසා මට ලොකු ඉල්ලුමක් ආයතනය තුළත් හැදිලා තියනවා. ඇත්තටම මම හරිම සතුටින් මතක් කරන්නේ, අභිෂේකා වැඩසටහන හරහා මගේ නිර්මාණ පළ කරපු නිසා තමයි මට ආයතනය තුළ මගේ නිර්මාණවලට හොඳ ඉල්ලුමක් ලබා ගන්න පුළුවන් වුනේ.

අකිල මදුෂංක – සීදූව

රූපලාවණ්‍යය සහ මනාලියන් හැඩගැන්වීම විනෝදාංශය කරගත් මම, මේ වනවිට රැකියාවට අමතරව  අතිරේක ආදායම් මාර්ගයක් ලෙසින් එම කටයුතු දියුණු කරගෙන තියෙනවා. උත්සාහය සහ කැපවීම තුළින් මගේම කියලා රූපලාවණ්‍යය ආයතනයක් ආරම්භ කරන්න මට පුළුවන් වුනා. ඒ අතරේ මට හොඳ අවස්ථාවක් ලැබුනා, ඒ අභිෂේකා වැඩසටහන සමග සම්බන්ධ වීම. දැන් ආයතනය තුළ බොහෝ දෙනා මාව හොඳින් හදුනනවා. ඒ නිසා මගේ ව්‍යාපාරයට හොඳ අත්වැළක්  මේ වනවිට ගොඩනැගෙමින් තියෙනවා.

ඉතින් ඒ හැමෝටම සුබ පතන ගමන් අනිත් හැමෝටම අලුතින් හිතන්න අලුතින් හීන දකින්න පුලුවන් වෙන්න කියලා වියමන් අපි ප්‍රාර්ථනා කරනවා.