මගේ නම ගයන්ත නිරෝෂන්. මම කොග්ගල බ්රැන්ඩික්ස් ආයතනයට සම්බන්ධ වුනේ 2012 වර්ෂයේදී. දැනට මා සේවයට පැමිණ අවුරුදු 8 ක් පමණ වෙනවා. මම දැනට ආයතනයේ බඳවාගැනීමේ නිලධාරී ලෙස සේවය කරන අතර 2017 වර්ෂයේ සිට අප ආයතනයේ සමාජ සත්කාරක සම්බන්ධිකාරක නිලධාරී වශයෙන් ද කටයුතු කරනවා. ඒ සියලූම කාර්යයන්වල මා ඉතා සතුටින් හා කැපවීමෙන් නිරත වෙනවා. අප ආයතන හරහා මෙවැනි සමාජ සත්කාරවල නියැලීමට ලැබීම පිළිබඳව එම ප‍්‍රතිලාභීන්ට වඩා මම සතුටට පත් වෙනවා. මෙම කාර්යයන්වල නිරත වීම නිසා මගේ බඳවා ගැනීම් කටයුතු ද සාර්ථකව කර ගැනීමට මා හට අවස්ථාව උදා වී තිබෙනවා. විශේෂයෙන්ම රජයේ හා අනිකුත් පිළිගත් ආයතනවල නිළධාරීන් සමඟ විශාල සබඳතාවයක් ගොඩනගා ගැනීමට ද අවස්ථාව උදාවී තිබේ.
මින් ඉදිරියට මෙවැනි සමාජ සේවා කටයුතු වල නිරත වීමට මා ඉතා කැමැත්තෙන් සිටින අතර ඒ මගේ රැකියා ජීවිතයටද විශාල ශක්තියක් ලැබේ. ඉදිරියේදී මෙම සමාජ සත්කාරක සම්බන්ධිකරණ තනතුරු සඳහා පත්වන අයටත් දැනට ඒවායේ නිරත වන අයටත් මෙම ක්‍රියාවන් හට කැමැත්තෙන්, කැපවීමෙන් හා උත්සාහයෙන් යුතුව ඒවා සමග සම්බන්ධ වන ලෙසත් ඒවා තුළින් තම තමන්ගේ රැකියා ජීවිත වලට අත්දැකීම් එකතු කර ගනිමින් ආත්ම තෘප්තිය වැඩි කර ගන්නට හැකියාව පවතී. එසේම බ්රැන්ඩික්ස් සමූහය මගින් මෙහෙයවන මෙම සමාජ සත්කාරක කටයුතු කිරීම සම්බන්ධව කොග්ගල ආයතනය වෙනුවෙන් මාගේ හෘදයාංගම ස්තූතිය පුදකර සිටිමි.
මෙයට
සමාජ සත්කාරක සම්බන්ධිකාරක නිලධාරී – බ්රැන්ඩික්ස් කොග්ගල ආයතනය
ගයන්ත නිරෝෂන්