නූතන සිංහල ලේඛක කේ. ජයතිලක මහතා. නූතන යුගයේ සිංහල ලේඛකයන් අතර ප්‍රමුඛත්වයෙහි ලා සැලකෙන නිර්මාණාත්මක ලේඛකයෙකු ලෙසින් කේ. ජයතිලක මහතා හැඳින්විය හැකි ය. කලුආරච්චිගමගේ ජයතිලක ලෙසින් එතුමා 1926 වසරේ ජුනි මස විසිහත්වනදා ගම්පහ දිස්ත්‍රික්කයේ රදාවාන කන්නිමහර නම් ග්‍රාමයේ උපත ලැබීය. ගමේ පිහිටි රජයේ පාසලින් මූලික අධ්‍යාපනය ලැබූ එතුමා පසුව ලන්ඩන් විශ්ව විද්‍යාලයෙන් ශාස්ත්‍රවේදී උපාධිය හිමිකරගනු ලැබීය. සිංහල, ඉංග්‍රීසි සහ පාලි භාෂා පිළිබඳ සැබෑම දක්ෂයෙක් වූ එතුමා පළමුව රචනා කරනු ලැබූයේ “ධර්ම රශ්මි” නම් සඟරාවට ගෙත්තම් කරන ලද පැදි පෙළකි. ඉන් අනතුරුව නොයෙක් පුවත්පත් සඳහා ලිපි රචනා සපයමින් ලේඛන කලාවට සම්ප්‍රාප්ත විය. ඉන් අනතුරුව නවකතා, කෙටිකතා, ළමා පොත් සහ විචාර ග්‍රන්ථ රාශියක් රචනා කරමින් සිංහල සාහිත්‍යයට අමිල මෙහෙවරක් ඉටු කිරීමට එතුමාට හැකි විය. එතුමා විසින් රචිත කෘති අතර ‘චරිත තුනක්’, ‘පිතාමහ’, ‘අධිෂ්ඨානය’, ‘රාජපක්ෂ වලව්ව’, ‘පුංචිරාළ’ සහ ‘පරාජිතයෝ’ යන නවකතා ද, ‘වජිර පබ්බත’, ‘කටු සහ මල්’, ‘පුනරුප්පත්තිය’, ‘අතීරණය’ යන කෙටි කතා සංග්‍රහ ද, ‘සාහිත්‍ය විචාර සටහන්’, ‘සිංහල කතා කලාවේ විකාශනය’, ‘නවකතාව හා සමාජය’ යන විචාර ග්‍රන්ථ සුවිශේෂී වෙයි. එතුමන් විසින් විරචිත ‘චරිත තුනක්’ නැමති නවකතාවට සාහිත්‍ය සම්මානය පවා හිමි වූවා පමණක් නොව එය මුද්‍රණ වාර කිහිපයකින් විශේෂ ප්‍රසිද්ධියකට පත්වූ කෘතියක් වෙයි. පසුකාලීනව චරිත තුනක් ටෙලිනාට්‍යයට පාදක වූයේ ද මෙම නවකතාවම ය. මෙලෙසින් සිය නිර්මාණ සඳහා සාහිත්‍ය සම්මාන හතකින් පිදුම් ලැබීමට ද එතුමාට හැකි විය. සුමනා ජයතිලක මහත්මිය හා විවාහ වී දූ දරුවන් හතර දෙනෙකු ලැබූ එතුමා සිය ජීවිතයේ 85 වන වියේදී 2011 සැප්තැම්බර් මස 14 වැනිදා දිවි ගමන නිමා කරනු ලැබීය.

නූතන සිංහල ලේඛක කේ. ජයතිලක මහතා

නූතන යුගයේ සිංහල ලේඛකයන් අතර ප්‍රමුඛත්වයෙහි ලා සැලකෙන නිර්මාණාත්මක ලේඛකයෙකු ලෙසින් කේ. ජයතිලක මහතා හැඳින්විය හැකි ය. කලුආරච්චිගමගේ ජයතිලක ලෙසින් එතුමා 1926 වසරේ ජුනි මස විසිහත්වනදා ගම්පහ දිස්ත්‍රික්කයේ රදාවාන කන්නිමහර නම් ග්‍රාමයේ උපත ලැබීය.

ගමේ පිහිටි රජයේ පාසලින් මූලික අධ්‍යාපනය ලැබූ එතුමා පසුව ලන්ඩන් විශ්ව විද්‍යාලයෙන් ශාස්ත්‍රවේදී උපාධිය හිමිකරගනු ලැබීය. සිංහල, ඉංග්‍රීසි සහ පාලි භාෂා පිළිබඳ සැබෑම දක්ෂයෙක් වූ එතුමා පළමුව රචනා කරනු ලැබූයේ “ධර්ම රශ්මි” නම් සඟරාවට ගෙත්තම් කරන ලද පැදි පෙළකි. ඉන් අනතුරුව නොයෙක් පුවත්පත් සඳහා ලිපි රචනා සපයමින් ලේඛන කලාවට සම්ප්‍රාප්ත විය. ඉන් අනතුරුව නවකතා, කෙටිකතා, ළමා පොත් සහ විචාර ග්‍රන්ථ රාශියක් රචනා කරමින් සිංහල සාහිත්‍යයට අමිල මෙහෙවරක් ඉටු කිරීමට එතුමාට හැකි විය.

එතුමා විසින් රචිත කෘති අතර ‘චරිත තුනක්’, ‘පිතාමහ’, ‘අධිෂ්ඨානය’, ‘රාජපක්ෂ වලව්ව’, ‘පුංචිරාළ’ සහ ‘පරාජිතයෝ’ යන නවකතා ද, ‘වජිර පබ්බත’, ‘කටු සහ මල්’, ‘පුනරුප්පත්තිය’, ‘අතීරණය’ යන කෙටි කතා සංග්‍රහ ද, ‘සාහිත්‍ය විචාර සටහන්’, ‘සිංහල කතා කලාවේ විකාශනය’, ‘නවකතාව හා සමාජය’ යන විචාර ග්‍රන්ථ සුවිශේෂී වෙයි.

එතුමන් විසින් විරචිත ‘චරිත තුනක්’ නැමති නවකතාවට සාහිත්‍ය සම්මානය පවා හිමි වූවා පමණක් නොව එය මුද්‍රණ වාර කිහිපයකින් විශේෂ ප්‍රසිද්ධියකට පත්වූ කෘතියක් වෙයි. පසුකාලීනව චරිත තුනක් ටෙලිනාට්‍යයට පාදක වූයේ ද මෙම නවකතාවම ය. මෙලෙසින් සිය නිර්මාණ සඳහා සාහිත්‍ය සම්මාන හතකින් පිදුම් ලැබීමට ද එතුමාට හැකි විය.

සුමනා ජයතිලක මහත්මිය හා විවාහ වී දූ දරුවන් හතර දෙනෙකු ලැබූ එතුමා සිය ජීවිතයේ 85 වන වියේදී 2011 සැප්තැම්බර් මස 14 වැනිදා දිවි ගමන නිමා කරනු ලැබීය.

Facebook

Leave a Comment

Your email address will not be published. Required fields are marked *