நீயும் கூட என்னைப் போலத்தான், நின்றால் குற்றம்,

நடந்தால் குற்றம், அமர்ந்தால் குற்றம், நீ என்ன

செய்தாலும் குற்றமென்றால் எங்கே தான் போவாயோ?

போவது தான் போகிறாய் இரு வருகின்றேன்

என்னையும் உடனிலுத்துச் செல் !

பெண் கண்ணீர் வேறு ஆற்றுத்  தண்ணீர்

வேறு அல்ல

மடை திறந்தால் இரண்டும் ஒன்றே !

உனக்காகத்தான் தன் நாட்டில்

சண்டையென்று இருமார்பு கொண்டாயோ !

நானும் இருக்கிறேன் போட்டிக்கு

குடம் தண்ணீர் 5ரூபய் என்ற

காலம் மலையேறி லாறித் தண்ணீர்

2500ரூபாய் வாங்கி நிரப்புவதில்

நிற்கிறது கொழும்பு வாழ்க்கை !

இங்கே பெண்ணுக்கும் தண்ணீருக்கும்

தான் விலையே ! – அடச்சே

நடந்தாய் வாழி காவேரி! அல்ல ! அல்ல!

வறண்டன வற்றாத ஜீவா நதிகள் !

குறைந்தன நாட்டில் பெண் குழந்தைகள்

பிறப்பு விகிதம் !

அன்பு மழையாக  அன்னை மழையாக

பூமி தோடு !

வற்றாத பெரு வெள்ளத் தண்ணீரில்

பெண் கண்ணீர் கரைந்துருகிக்

காணாமல் ஆகட்டும் !

அதற்கேனும் நீ இறங்கி வா !

நி. நிலுக்சனா