රත්නපුර දිස්ත්‍රික්කයේ කහවත්ත නගරය කේන්ද්‍ර කරගනිමින් 1992 වසරේ දෙසැම්බර් 5 වන දා ආරම්භ වූ බ්‍රැන්ඩික්ස් කහවත්ත ආයතනයට මේ වෙනකොට අවුරුදු 29ක්. අවුරුදු 29ක් කියන්නේ අත්දැකීම්වලින් සන්නද්ධ, තාරුණ්‍යයේ මුහුකුරා ගිය අවධියක් කියලා කියන්න පුළුවන්. බ්‍රැන්ඩික්ස් කහවත්ත ආයතනයත් මේ වන විට පා තබා තියෙන්නේ එවන් අවධියකට.

අභිමානවත් 29 වන සංවත්සරය වෙනුවෙන් බුද්ධ වන්දනාව සහ ආශිර්වාද පූජාවක් ද බ්‍රැන්ඩික්ස් කහවත්ත ආයතන පරිශ්‍රයේ සෞඛ්‍යාරක්ෂිත ක්‍රමවලට අනුගත වෙමින් සිදු කෙරුණා.

මනු දැය නංවාලීම සිය වගකීමක් ලෙස සිතා සමාජයට අවැසි උදව් උපකාර කිරීමට බ්‍රැන්ඩික්ස් නිරතුරුවම ඉදිරිපත් වෙනවා. බ්‍රැන්ඩික්ස් කහවත්ත ආයතනයත් සිය සහෝදර ආයතන මෙන් ‘මනුසත්කාරය’ සංකල්පය තුළින් කහවත්ත ප්‍රදේශයේ රෝහල්, පාසල් සහ රජයේ පොදු ස්ථාන රාශියකට පසුගිය වසර ගණනාව පුරාම උදව් උපකාර කළා.

පිබිදුණු විසඳුම් ලොවට දායාද කරන බ්‍රැන්ඩික්ස් සමූහයේ තවත් ආයතනයක් වන බ්‍රැන්ඩික්ස් කහවත්ත ආයතනයේ මේ වන විට සාමාජික සාමාජිකාවන් 1,300ක් පමණ රාජකාරියේ නිරත වෙනවා. රැකියා දහස් ගණනක් උත්පාදනය කරමින් නොනිමි මෙහෙවරක් කිරීමට බ්‍රැන්ඩික්ස් කහවත්ත ආයතනයට සවියක් වන්නට මෙතෙක් ආයතනය හා සම්බන්ධව සිටි සහ දැනට සිටින සියලු සාමාජික සාමාජිකාවන් ද ශක්තියක් වුණා.

පිබිදුණු මිනිසුන් සමග විශිෂ්ටත්වයෙන් ඉදිරියටම ගොස් මෙරට ආර්ථිකයට සවියක් වන්නටත් ලොවට පිබිදුණු විසඳුම් ලබා දී බ්‍රැන්ඩික්ස් සමූහය බබළවන්නටත් බ්‍රැන්ඩික්ස් කහවත්ත ආයතනයට තවදුරටත් ශක්තිය ලැබේවා යනු වියමන් අපගේ පැතුමයි…