ඉර හඳ තරු සේද වලාකුළින් පිරුණු අහස වගේ

පුංචි පුංචි දූ පුතුනගේ ලෝකය ඒ තරම් අගේ

සිර කරගෙන ඇතේ තබා නීතීවලින් සොඳුරු දඟේ

නිදහස නෑ දරුවන් හට පෙර මෙන් ඒ කාලේ වගේ

මව්පියන්ගේ හීනවලට පාට දෙන්න සමනල් තටු

සෝදා දිය කර අරගෙන පාට කරපු නෙක නෙක පිටු

සමාජයේ වරින් වරට දුටුවත් ඒ විසකුරු කටු

මලක් කඩා ගෙන ගිය පසු මොකටද ඒ මලේ නටු

සොඳුරු හෙටක් තුළ ලෝකය ජය ගන්න

දූ දරුවන්ගේ නිදහස ඔවුනට දෙන්න

දරුවන් කැමති විදිහට ජීවත් වෙන්න

ඉඩ දී පසු පසින් ඔබ නිතරම ඉන්න…

නීෂා මදුරංගි
බ්‍රැන්ඩික්ස් මීරිගම ආයතනය