ලංකාවේ ප්‍රමුඛ පෙළේ ඇඟලුම් නිෂ්පාදන සමාගමක් වන බ්‍රැන්ඩික්ස් තිරසර අනාගතයක් වෙනුවෙන් විශාල වැඩ කොටසක් කරමින් ඉන්න බව බ්‍රැන්ඩික්ස් පවුලේ සාමාජික සාමාජිකාවන් වුණ ඔයාලා දන්නවා. පරිසර දූෂණය එක්ක මේ මුළු මිහිතලයම ගැටලු රැසකට මුහුණ දීලා ඉන්න වෙලාවේ වගකීමක් සහිත ඇඟලුම් නිෂ්පාදන සමාගමක් විදියට අපි පරිසර දූෂණය අවම කරන්න දායක වෙන්න ඕන කියලා මීට අවුරුදු ගණනාවකට කලින් හිතුවා වගේම ඒ වෙනුවෙන් ගන්න පුළුවන් සාර්ථක පියවර කීපයක්ම ගන්නත් අපිට පුළුවන් වුණා. ඒ අනුව යමින් Net Zero වැඩපිළිවෙළ එහෙම නැත්නම් ශුද්ධ ශූන්‍ය කාබන් විමෝචනය කියන සංකල්පය බ්‍රැන්ඩික්ස් කර්මාන්තශාලා තුළ ක්‍රියාවට නංවන්න අපිට හැකිවීමම විශාල ජයග්‍රහණයක්.

Net Zero කියන සංකල්පය සමග කාබන් විමෝචනය ශූන්‍ය කරන්න වැඩපිළිවෙළක් සකස් කරන්න බ්‍රැන්ඩික්ස් අපි කටයුතු කළා. මේකෙදි කරන්නේ හරිතාගාර වායූන් වායුගෝලයෙන් ඉවත් කිරීම මගින් හරිතාගාර වායු විමෝචනය සමතුලිත කිරීමක්. Net Zero කියන සංකල්පය යොදාගෙන දේශගුණ විපර්යස අවම කිරීමට සහය වීමෙන් වඩා තිරසර අනාගතයක් නිර්මාණය කිරීමට අපිට පුළුවන්. අපේ කර්මාන්තශාලාවල නිෂ්පාදන කටයුතු කිරීමේදී පුනර්ජනනීය බලශක්තිය යොදා ගන්න අපි කටයුතු කළේ පොසිල ඉන්ධන දහනයෙන් පරිසරයට වන හානිය යම්තාක් දුරකට අවම කරගන්න ඒ තුළින් අපිට පුළුවන් වන නිසයි.