පෙර දී අපේ ආයතනයේ නිෂ්පාදන සිදු කෙරුණේ කට් ඇන්ඩ් සෝ කියන අංශයෙන් පමණයි. දැන් ගැනුම්කරුවන්ගේ අවශ්‍යතා මත බොන්ඩින්, ඉනොවේෂන්, ග්ලූ බොන්ඩින් යන අංශ සඳහා ආයෝජනය කරලා තියෙනවා. ඒ තුළින් තරඟකාරී සේවාවක් ලබා දීමට අපට හැකියාවක් ලැබී තිබෙනවා.

බ්‍රැන්ඩික්ස් බියගම ආයතනය, එහි නිපදවන නිෂ්පාදන වල ගුණාත්මක බව ගැන වගේම එහි සේවය කරන සාමාජික සාමාජිකාවන්ගේ ජීවන තත්ත්වය ගැනත් අවධානය යොමු කරනවා. ඒ නිසා ඔවුන්ට රැකියාවෙන් එහා ගිය ජීවිතයේ විවිධ පැතිකඩවල් හඳුනා ගැනීමට ආයතනය හරහා ඔවුන්ට උපකාර ලැබෙනවා. P.A.C.E., ශිල්ප ආදී වැඩසටහන් තුළින් ඔවුන්ගේ ජීවිත වඩාත් හොඳ මට්ටමකට ගෙන ඒම සඳහා අවස්ථාවන් උදා කර දෙනු ලබනවා.

ඒ වගේම, එම සාමාජික සාමාජිකාවන්ගේ දූ දරුවන් සඳහා පාසල් උපකරණ, ශිෂ්‍යත්ව ආදිය ලබා දෙමින්, අධ්‍යාපන වැඩසටහන් පවත්වමින් ඔවුන්ට ද සවියක් වීමට බ්‍රැන්ඩික්ස් බියගම ආයතනය කටයුතු කරනවා. මේ සියලු කටයුතු සේම එම සාමාජික සාමාජිකාවන්ගේ පවුල් වල සුබසාධනය හා සමෘද්ධිය උදෙසා හරිත තිරසර, මනුසත්කාර ආදී ව්‍යාපෘති ද ක්‍රියාත්මක කරනු ලබනවා.