இலங்கையின் முன்னணி ஆடை நிறுவனமான பிரண்டிக்ஸ் குழுமம், சிறந்த வேலைப்பாடுகளுடன் கூடிய உயர்தர ஆடைகளை உற்பத்தி செய்வதில் தொடர்ந்தும் உறுதியாக உள்ளது. இதற்காக ஆண் பெண் என்று பாலின வேறுபாடின்றி, அர்ப்பணிப்புடன் செயல்படும் உறுப்பினர்களுக்கு பணியாளர், அதிகாரிகள் மற்றும் நிர்வாகப் பதவிகள் போன்ற உயர் பதவிகளுக்கு முன்னேறுவதற்கான வாய்ப்பை வழங்க நாங்கள் தொடர்ந்து பணியாற்றி வருகிறோம். இதன் பிரதிபலனாக, சர்வதேச தொழிலாளர் அமைப்பு (ILO) மற்றும் சர்வதேச நிதிக் கூட்டுத்தாபனம் (IFC) ஆகியவற்றுடன் ஒன்றிணைந்து, ஆடைத்துறையில் அதிக சதவீத பெண்களை கொண்ட நிறுவனங்களில், பெண்களுக்காக நடத்தப்படும் GEAR செயல் திட்டத்தை, வத்துப்பிட்டிவலை, அவிஸ்ஸாவளை, ரிதீகம, இரம்புக்கன, மீரிகம மற்றும் கட்டுநாயக்க போன்ற பிரதேசங்களில் உள்ள எங்கள் நிறுவனங்களின் உறுப்பினர்களுக்கு பங்கேற்கும் சந்தர்ப்பத்தினை வழங்கினோம். GEAR எனப்படும் பாலின சமத்துவத்தினை உறுதிப்படுத்தும் இந்தக் கருபொருள், வங்காளதேசம், வியட்நாம், மடகாஸ்கர் மற்றும் இலங்கையிலும் செயல்படுத்தப்படுகிறது.

அறிவு மற்றும் பயிற்சியை வழங்கும் நோக்கத்துடன் நடத்தப்பட்ட இந்த செயல் திட்டத்தில், எங்கள் 22 உறுப்பினர்கள் தங்கள் அறிவையும் அனுபவத்தையும் மேம்படுத்த GEAR இல் இணைந்து சான்றிதழ்களைப் பெற்றனர். இந்த செயல் திட்டமானது, இத் துறையில் மேலும் அறிவைப் பெறவும் சிறப்பாகச் செயல்படவும், பயிற்சி, பணி மேலாண்மை மற்றும் மேற்பார்வை போன்ற துறைகளில் அறிவு மற்றும் திறமையை வளர்த்துக்கொள்ளவும், உள்ளூர் மற்றும் வெளிநாட்டு தொழில்முனைவோரை ஒருங்கிணைக்கவும் வாய்ப்பளித்துள்ளது. 6 மாத காலவரையறை அடிப்படையில் நடத்தப்பட்ட இந்த நிகழ்ச்சியில் பெண் உறுப்பினர்களுக்கான தொழில்நுட்ப பயிற்சி, தலைமைத்துவ மேம்பாடு, தொழிற்சாலை மேலாண்மை பற்றிய அறிவு மற்றும் ஊழியர்களிடையே ஒத்துழைப்பை உருவாக்குதல் போன்ற செயல்பாடுகள் அடங்கியிருந்தன. இலங்கையில் ஆடைத் துறைக்கு பெரிதும் பங்களிக்கும் பெண்களை மேம்படுத்துதல் மற்றும் பாலின சமத்துவத்தை உருவாக்குதல் ஆகியவற்றை நோக்கமாகக் கொண்டு செயல்படும் GEAR செயல் திட்டத்துடன் பிரண்டிக்ஸ் குழுமமாக, இணைந்து செயல்படுவதில் நாங்கள் மகிழ்ச்சியடைகிறோம். இது நிறுவனத்தின் செயல்திறனை மேலும் மேம்படுத்துவதற்க்காக எங்களுக்கு அமைந்த ஒரு சிறந்த வாய்ப்பாகும். நமது இலக்குகளை நோக்கிய பயணத்தில், உற்சாகத்துடனும், உத்வேகத்துடனும் பயணிக்க GEAR செயற்திட்டம் நிச்சயமாக ஒரு சிறந்த உதவியாக அமைத்திருப்பதில் எவ்வித ஐயமுமில்லை.