දරුවන්ගේ මානසික සහ චිත්තවේගීය යහපවැත්ම ගැන සොයා බැලීම අද සමාජයේ අත්‍යවශ්‍ය දෙයක් බවට පත් වෙලා. ස්වයං රැකවරණයේ වැදගත්කම දරුවන්ට ඉගැන්වීම ඔවුන්ගේ අනාගත සංවර්ධනය සඳහා ඉතාමත් වැදගත් වේ. ඔබ වැනි වැඩිහිටියන් මෙන් දරුවන්ට ද මානසික ආතතිය, කාංසාව සහ චිත්තවේගීය හැඟීම් අත් විඳිය හැක. ඔවුන්ගේ මානසික සෞඛ්‍යය කෙරෙහි අවධානය යොමු කිරීමෙන් මෙම අභියෝග කළමණාකරණය කිරීමට ඔවුන්ට උපකාර කිරීම ජීවිත කාලය පුරාවට ඔරොත්තු දීමේ පදනම සකසයි. ළමුන් තුළ ස්වයං රැකවරණය සහ චිත්තවේගීය බුද්ධිය දිරිමත් කිරීම සඳහා, සරල නමුත් ඵලදායී ක්‍රම 06ක් ඔබ සමඟ මම අද කතා කරනවා.

• නිර්මාණශීලී ක්‍රියාකාරකම් සහ විනෝදාංශවලට දරුවන් යොමු කිරීමට කාලයක් වෙන් කර දීම.
ඔබේ දරුවන් නිර්මාණශීලී සහ විනෝදජනක ක්‍රියාකාරකම්වල නිරතවීම දක්ෂතා පෝෂණය කරනවා පමණක් නොව විවේචනය සහ ස්වයං ප්‍රකාශනය සඳහා ඉතාමත් වැදගත්.

• ස්වයං රැකවරණය පුරුදු කරන්න ( සෙල්ෆ් කෙයා)
ළමයින් බොහෝ විට ඉගෙන ගන්නේ නිරීක්ෂණ තුළින්. දෙමව්පියන් සෞඛ්‍ය සම්පන්න පුරුදු ආදර්ශයට ගන්නා විට දරුවන් එය අනුගමනය කරයි, ස්වයං රැකවරණය ඔවුන්ගේ දිනචර්යාවේ ස්වභාවික අංගයක් බවට පත් කිරීමට උනන්දු වන්න.

• හැඟීම් ප්‍රකාශ කිරීම කෙරෙහි අවධානය යොමු කරන්න.
ඔවුන්ගේ දුක, සතුට, කේන්තිය, බය වැනි ඕනෑම හැඟීම් ප්‍රකාශ කිරීමට දරුවන් දිරිමත් කිරීම ඔවුන්ට ඔවුන්ගේ හැඟීම් හොඳින් අවබෝධ කර ගැනීමට සහ කළමනාකරණය කිරීමට උපකාර කරයි, ආතතිය ගොඩනැඟීම වළක්වයි.

• ඔබත් දෙමාපියන් වශයෙන් දරුවන් සමඟ ඔබේ හැඟීම් බෙදාගන්න පුරුදු වන්න.
විවෘත සන්නිවේදනය විශ්වාසදායක පරිසරයක් ඔබත් දරුවන්අතර ඇති කරයි.ඔබේ හැඟීම් බෙදා ගැනීමෙන් ඔබත් දරුවනුත් අතර මානසික සෞඛ්‍යය පිළිබඳ සංවාද සාමාන්‍යකරණය කරයි.

• දරුවන් කැමති තනි ක්‍රියාකාරකම් සඳහා කාලය වෙන් කරන්න.
ස්වාධීන ක්‍රීඩා හෝ නිස්කලංක ක්‍රියාකාරකම් තුළින් දරුවන් හට ඔවුන්ගේම සතුටක් භුක්ති විඳීමට හුරු කිරීමෙන් දරුවන් ඔවුන්ගේ විශ්වාසය සහ ආත්ම විශ්වාසය ගොඩනඟයි. මානසිකව ශක්තිමත් වේ.

• දරුවන් හට ජර්නල් කිරීම සහ දිනපොත දිරිමත් කරන්න.
සිතුවිලි සහ හැඟීම් ලිවීම දරුවන්ට ඔවුන්ගේ අත්දැකීම් පිළීබිඹු කිරීමට, ස්වයං දැනුවත්භාවය සහ චිත්තවේගීය සැකසුම් වැඩිදියුනු කිරීමට උපකාරී වේ.
අපි දරුවන් කුඩා කළ සිටම ස්වයං රැකවරණය( සෙල්ෆ් කෙයා) සහ මානසික සෞඛ්‍ය පිළිබඳ දෙමාපියන් ලෙස පුරුදු කිරීමෙන්, ජීවිතයේ අභියෝග ජය ගැනීම දිනුම, පැරදුම ජීවිතයේ හිමිවීම, අහිමිවීම් දරාගැනීමට විශ්වාසයෙන් යුතුව ජීවත් වීමට අවශ්‍ය මෙවලම් අපි අපේ දරුවන්ට ලබා දීම කටයුතු කිරීම නූතන දෙමාපියන්ගේ වගකීමක් වෙනවා. දරුවන් වගේම ඔබත් කාර්ය බහුල පීඩනකාරී ජීවිතයක් ගතකරන කාලයක් නිසාම මෙම ළමා දිනය ඔවුන්ගේ මානසික සුවතාවයන්ගෙන් දරුවන්ගේ සිත් හඩ කිරීමට ප්‍රමුඛත්වය දීමට මතක් කිරීමක් කර ගනිමු.

සුභ ළමා දිනයක්!
මෙලනි නාරම්පනාව
මනෝ උපදේශිකා.