“මට මේක මගෙ රැකියා ජීවිතේ ලැබිච්ච ලොකු අත්වැලක්.” ඇගේ කතාවේ අලුත් පරිච්ඡේදය ගැන ඇය සඳහන් කළේ එහෙම. ඇගේ නිර්මාණශීලී හැකියාව ගැන හොඳින්ම තේරුම් ගත්ත බ්‍රැන්ඩික්ස් මීරිගම 02 ආයතනයේ කළමණාකාරීත්වය ඇයට තමන්ගෙ වෘත්තිමය සිතුවම්කරණය ඉස්සරහට අරගෙන යන්න අවස්ථාවල් රැසක් උදා කරලා දෙනවා.

“මං අපේ ආයතනෙ විවේකාගාරෙට ගොඩක් චිත්‍ර ඇන්දා. ඒ වගේම ආයතනෙන් කරන වැඩසටහන් වලදිත් මං චිත්‍ර අංශෙන් වැඩ කරනවා. පෝය දවස් වලට කරන තොරණටත් මං තමයි චිත්‍ර අඳින්නෙ.” බ්‍රැන්ඩික්ස් ආයතනයෙන් ඇයට ලැබුණු අවස්ථා ගැනයි ඇය ඒ විදියට අපට කීව්වෙ.

ඇය අපට කිව්ව විදියට ඇයගේ අනාගත බලාපොරොත්තුවත්, ඇගේ චිත්‍ර ශිල්පයත් එක්ක බැඳුණු බොහොම සුන්දර එකක්. ඒ තමයි, ඇගේ සැඳෑ සමය ගත කරන්න ඇගේ නිවස තුළම කලාගාරයක් නිර්මාණය කරගන්න එක.

ඉතිං, රාණි මහත්මියගේ මේ හැකියාව බ්‍රැන්ඩික්ස් අපි දකින්නේ බ්‍රැන්ඩික්ස් මීරිගම 02 ආයතනයට විතරක් නෙවෙයි මුළු රටටම ලැබුණු සුවිශාල තිළිණයක් විදියට. ඉතිං ඇගේ සියළු අනාගත බලාපොරොත්තු ඉෂ්ට කරගන්නට බ්‍රැන්ඩික්ස් මීරිගම 02 ආයතනයේ කළමණාකාරීත්වයත්, මුළු මහත් බ්‍රැන්ඩික්ස් සමූහයත් මේ අති දක්ෂ චිත්‍ර ශිල්පිනියට හද පිරි සුබාශිංසන එකතු කරනවා.