කායික සුවතාව සහ මානසික සුවතාව රැකගන්න විදිය කියලා දෙන්න තමයි ඔහු අද බ්‍රැන්ඩික්ස් වියමන් ටීවී එක්ක එකතු වෙන්නෙ. ඔහු කවුද? ඔහු ඔබ කවුරුත් අඳුරන ප්‍රවීණ සූපවේදී ලොයිඩ් මහතා.

ඔහු මුලින්ම විස්තර කළේ දිනපතා පෝෂ්‍යදායී කෑම වේල් සකසා ගත යුතු ආකාරය. ‘උදේ ආහාර වේලකට කඩල, කව්පි වැනි ධාන්‍ය වඩාත්ම යෝග්‍යයි. උදේට තන්තු සහිත කෑමක් ආහාරයට ගැනීම ඉතාමත් යෝග්‍ය නිසා ඒ වගේ ආහාර වේලක් සකසාගන්න පුළුවන් නම් හොඳයි. දහවල් ආහාරයට නම් රතු බත් එක්ක කොළ පැහැති එළවළු ව්‍යාංජනත්, රාත්‍රී ආහාරයට තමන් කැමති එළවළුවක් එකතු කරගත්ත රොටියක් පිළියෙල කරගන්න පුළුවන්. ඒ වගේම තන්තු සහිත ආහාර ගැනීම සෞඛ්‍යයට ඉතාම හොඳයි.’

ඉන්පසුව, ඔහු රසයෙන් වගේම ගුණයෙනුත් පිරුණු සැලඩ් එකක් පිළියෙල කරගන්නා හැටි බොහොම අපූරුවට පෙන්නලා දුන්නා.