ඒ වගේම අලුතින්ම හඳුන්වා දී ඇති Smart Factory සංකල්පය ගැන මෙහෙයුම් අධ්‍යක්ෂ නඳුන් ප්‍රනාන්දු මහතා අදහස් දැක්වූයේ මේ අයුරින්, “ මේ  Smart factory සංකල්පය යටතේ අංග 12ක් අපි ඉදිරිපත් කරල තියෙනවා. මේ Smart factory එකෙන් වෙන්නේ ආයතනයේ සේවය කරන සාමාජික සාමාජිකාවන්ගේ දැනුම, අවබෝධය, පලපුරුද්ද නූතන තාක්ෂණය සමඟ සුසං‍යෝජනය කරලා දැනට කරන රාජකාරිය පෙරට වඩා ඵලදායීව මෙන්ම උපරිම වේගයකින් සහ ගුණාත්මක බවකින් සිදු කිරීමයි”. මේ සංකල්පය සාර්ථක කර ගන්න ආයතනයේ සාමාජික සාමාජිකාවන්ගේ සහයෝගය, කැපවීම අත්‍යවශ්‍ය බව ඔහු කියා සිටියා. විශේෂයෙන්ම මෙම වෙනස සිදු කිරීම සඳහා ආයතනයේ සියලු දෙනා නියමුවන් වී කටයුතු කළහොත් ඉතා කෙටි කාලයකින් ආයතනයේ හැමෝටම සුබදායී අනාගතයක් ළඟා කරගන්න හැකියාව ලැබෙන බවයි මෙහෙයුම් අධ්‍යක්ෂ නඳුන් ප්‍රනාන්දු මහතා කියා සිටියේ.