සංගීතයට පුළුවන් හදක විඩාව නිවන්න වගේම හදක් සුවපත් කරන්න. රටේ ආර්ථිකය ගොඩනංවන්න වෙහෙසී රාජකාරි කරන අපේම සාමාජික සාමාජිකාවන්ගේ විඩාබර මනස සංගීතයෙන් ප්‍රබෝධවත් කරන්නට බ්‍රැන්ඩික්ස් වතුපිටිවල ආයතනය ‘Purple Hearts – වසන්තයේ සොඳුරු සුයාමය’ නමින් සංගීත වැඩසටහනක් සංවිධානය කළා.

ලංකාවේ ජනප්‍රිය සංගීත කණ්ඩායමක් වුණ Purple Range සංගීතයෙන් හැඩ වුණ මේ වැඩසටහනට ජනප්‍රිය ගායක ගායිකාවන් ද සහභාගී වුණා. ආයතනයේ සාමාජික සාමාජිකාවන්ගේ ඉල්ලීම් අනුව ඔවුන් ප්‍රිය කරන ගායක ගායිකාවන් මේ වැඩසටහනට සම්බන්ධ කරගන්න ආයතනයේ කළමනාකාරීත්වය කටයුතු කළා.

බ්‍රැන්ඩික්ස් වතුපිටිවල ආයතනයේ සේවය කරන ගායන හැකියාව ඇති සාමාජික සාමාජිකාවන්ට ද ගීත ගායනා කිරීමට අවස්ථාව මේ වැඩසටහනේදී හිමි වුණා. ඉතා උද්‍යෝගයෙන් සහ සතුටෙන් එම මොහොත අප සාමාජික සාමාජිකාවන් රස විඳි අතර සියලු දෙනාගෙන් ඉතා හොඳ ප්‍රතිචාර ද වැඩසටහන සම්බන්ධයෙන් අපිට ලැබුණා.