රන් හිරු කිරණ විහිදයි මුළු ගුවන් තලේ
ඒ හිරු කිරණ සිපගෙන මේ මිහි මඬලේ
මිණි කැට වගෙයි පිනි කැට ටික එළිය කළේ
සුන්දර උදෑසන ආ බව ඉඟිය කළේ

විහඟුන් ගීත නද ඇසුණා තුරු අතරේ
පිපි මල් සුවඳ මඳ නළ ගෙන එන අතරේ
එලුවා වගෙයි සුදු සේලය කඳු පතරේ
මීදුම් වළා නැගුණා ඒ කඳු අතරේ

සුදු පාටින් ඇඳුණේ දෙවටෙහි පොඩි පැටවුන්
පාසල වෙතයි අකුරට යන හනි හනිකෙන්
දෙනුවන් පිනවනා ලස්සන මේ දසුනින්
ඇරඹුම අරන් එයි දවසේ උදෑසනින්

නිලන්ති චන්ද්‍රිකා
බ්‍රැන්ඩික්ස් අවිස්සාවේල්ල ආයතනය